పెట్రోల్, డీజిల్ ధరల పెంపుపై విపక్ష నేతగా వైఎస్ జగన్ చేసిన వ్యాఖ్యల వీడియో పంచుకున్న బుచ్చయ్య చౌదరి

గతంలో విపక్ష నేతగా ఉన్నప్పుడు వైఎస్ జగన్ పెట్రోల్, డీజిల్ ధరల పెంపుపై అసెంబ్లీలో తీవ్ర ఆవేశంతో ప్రసంగించారు. ఆ వ్యాఖ్యల తాలూకు వీడియోను టీడీపీ సీనియర్ నేత గోరంట్ల బుచ్చయ్య చౌదరి ట్విట్టర్ లో పంచుకున్నారు. "అరెరే... ఆ రోజు అంత 'బీపీ'తో ఆవేశంగా మాట్లాడారు. మరి ఇప్పుడు ఆ ఆవేశం ఏది సీఎం జగన్?" అంటూ గోరంట్ల బుచ్చయ్య చౌదరి ప్రశ్నించారు.

"రాష్ట్రంలో చమురు ధరలు ఆకాశాన్ని అంటాయి... మరి ఆ ధరలు తగ్గించే బాధ్యత మీ మీద లేదా మడమ తిప్పని నేత గారూ?" అంటూ నిలదీశారు. "మీ 'బీపీ'లు పెరిగిన రేట్ల మీద చూపించండి ముఖ్యమంత్రి గారూ!" అంటూ వ్యాఖ్యానించారు.